நாட்காட்டியின் கடைசி தாள்

கிழித்து கசக்கி எறிய
காத்திருக்கிறது கூர் நிறைந்த
ஆணியில் அறையப்பட்ட
நாட்காட்டியின் கடைசி தாள்

கடிகாரத்தின் நொடிமுள் சுழற்சியில்
மெல்ல மெல்ல இறந்து
கொண்டிருக்கிறது நிகழ்காலம்

ஒரு வருடத்தையே
வழியனுப்பி வைக்க பரபரப்பாய்
ஓடிக் கடக்கின்றன
உலகின் கால்கள்

காயங்களை..., இழப்புகளை...,
சோகங்களை..,தோல்விகளை...
இந்த கடைசி பக்கத்தில்
எழுதிவிட்டு நம்பிக்கையோடு எதிர்கொள்ளுங்கள்

பிறக்கும் புத்தாண்டு சிறக்கும்...!