14 July 2016

சில ரகசியங்கள்





யாருக்கும்
சொல்லிவிடக்கூடாதெனவோ
தெரிந்துவிடக்கூடாதெனவோ
எல்லோருக்குள்ளும் ஒளிந்து கிடக்கின்றன
சில ரகசியங்கள்

வாய்வரை வந்துவிட்டு
உதடுகளை உச்சரிக்க விடாமல்
உள்சென்று ஒடிந்து விழுந்து விடுகின்றன
சில ரகசியங்கள்

காக்கப்படுமென
நம்பியதை உடைத்து
காற்றில் மிதந்து வந்து
நம் காதுக்குள்ளே நுழைகின்றன
நாமே சொன்ன
சில ரகசியங்கள்

தொடுதிரையில்
வார்த்தைகளைக் கோர்த்து
கவிதையெனவோ கட்டுரையெனவோ
தலைப்புகளைத் தாங்கி வருகின்றன
சில ரகசியங்கள்

யாருக்குமே சொல்லாமல்
நிழலுக்கும் தெரியாமல்
எரியூட்டப்பட்ட உடலோடு
சாம்பலாகிப் போயிருக்கின்றன
சில ரகசியங்கள் ...!