உச்சிமுதல் பாதம் வரை

அரிந்து வைத்த
ஆப்பிள் துண்டுகளைப்போல்
பளபளக்கும் கண்ணங்களில்
மினுக்குகிறது உன் நிறத்துக்கு
போட்டியாய் ஒரு ரோஸ் கலர்

கருப்பு திராட்சையாய்
உருளும் கண்களின்
மேல் புருவத்தில் புரள்கிறது
கொஞ்சம் மஞ்சள் நிறம்

ஜெர்ரிப்பழத்தின்
செதில்களைப்போல்
சேர்த்திருக்கும் உதடுகளின் கீழ்
உன்னை முத்தமிட துடிக்கிறது
ஒரு பச்சை வண்ணப்பொடி

உரித்து வைத்த ஆரஞ்சு சுளையாய்
நீளுமுன் மூக்கின் நுனியில்
சிவந்திருக்கிறது ஒரு சிவப்பு

உன்
பத்துவிரல்கள் தொட்டெடுக்க
வண்ணங்கள் பத்தாது
உன் உச்சிமுதல் பாதம் வரை
உச்சரிக்க பழங்கள் சிக்காது

நீ
ஹோலியை கொண்டாடவில்லை
அதுதான் உன்னைக்
கொண்டாடிக் கொண்டிருக்கிறது