அவசர சிறகுகள்

தாழிட அவசியமில்லா அறையின் 

சுவர்களெங்கும் அப்பிக்கிடக்கும் 

உன் முத்தங்களுக்கும் 

அவன் சிரிப்புகளுக்கும் நடுவே 

என் இரவுகள் விழித்துக்கிடக்கின்றன 

உன்னைக்காணாத கண்ணாடியும் 

அவனைக்காணாத பொம்மைகளும் போல 

உங்களைக் காணாத நானும் 

அறையின் ஒருபொருளாய் மாறிப்போனேன் 

கோப்பையில் நிரம்பிய தேநீரிலிருந்து 

வெளியேறும் புகையைப்போல 

தனித்த மனமொன்று ஆவியாகி 

ஆதிக்காற்றில் பாதியாய்க் கலக்கிறது 

 தூரத்து கோபுரத்திலிருந்து 

சட்டென வானில் பறந்து 

 மீண்டும் மாடத்தில் வந்தமறும் புறாக்களைப்போல 

உங்களிடம் வந்து திரும்ப 

அவசர சிறகுகள் இல்லையென்பதே இப்போதைய வருத்தம்

இரண்டு பேர் சேர்ந்து எழுதிய 
ஹைக்கூ நீ

உன் கைப்பேசி அழைப்பிற்குள்

சுருங்கிக்கிடக்கிறது    

என் உலகம் ..!

உன் விரல் நுழையும்

வரத்திற்க்காகவே..

மோதிரங்களின் தவம் ...!!!

பயணம் முடிந்தாலும்

பத்திரமாய் இருக்கிறது

நீ வாங்கிக்கொடுத்த பயணச்சீட்டு ..!

என்னோடு  வர மறுக்கிறது

கரையில் படுத்திருக்கும்

உன் பாதச்சுவடுகள்.....!

உன் மடி தந்த சுகத்தை 

இனி எந்த தலையணையாலும் 

தந்து விட முடியாது....!

வண்ணங்களற்ற ஒரு வானவில்

உன் வெள்ளை துப்பட்டா....!

நீ உறக்கத்தில் புரண்டுபடுக்கிறாய்  
ஓரமாய் நின்று ரசித்துக்கொண்டிருக்கிறது 
நிலா .....!

உன் உள்ளங்கைச் சூடு 
உசுப்பேற்றி விடுகிறது 
விரதமிருக்கும் விரல்களை ....!

ஒரு முத்தம்

வலி...!

முதுகுக்குதான் தெரியும்
சுமக்கின்ற வலி ....
முயற்சிக்குதான் தெரியும்
தோல்வியின் வலி...!