தொலைதூர பயணங்களில்
தூக்கமில்லாமல் நீள்கிறது
ஓட்டுனர், நடத்துனரின் இரவு ....!
மீட்டருக்கு மேல் கேட்டு கேட்டு
மீட்டருக்குல்லேயே முடிந்து விடுகிறது
சில ஆட்டோக்காரர்களின் இரவு.....!
கண்களுக்கும் கணினிக்குமான யுத்தத்தில்
விரல்களோடு விடியாமலே இருக்கிறது
ஐ டி பொறியாளர்களின் இரவு.....!
மின்சாரம் இல்லாத நேரத்திலும்
புத்தகங்களோடு போராடி போகிறது
மாணவனின் இரவு ....!
அழுகின்ற குழந்தையை
சமாதானப்படுத்தும் முயற்சியில்
தொலைந்துபோய் விடுகிறது
இளம் தாயின் இரவு.....!
திறக்காத பூட்டுகளோடு
சண்டையிட்டு சமாதானம் அடைகிறது
திருடனின் இரவு.....!
வாடிக்கையாளர் வராததால்
வசைகளை சுமந்துகொண்டு நகர்கிறது
விபச்சாரியின் இரவு.....!
குறட்டைகளாலும்
மாமூல்களாலும் நிரம்பி வழிகிறது
போலீஷ்காரர்களின் இரவு.....!
முத்தங்கள் சுமந்த உதடுகளோடு
போதையேறி உறங்கப்போகிறது
நடிகையின் இரவு.....!
கறுப்புப்பணத்தில் கலர் கலர்
கனவுகளாய் விரிகிறது
அரசியல்வாதியின் இரவு....!
அடுத்தநாள் உழைப்பிற்காக
நிம்மதியாய் தொடர்கிறது
ஏழையின் இரவு....!
No comments:
Post a Comment